Zakir Həsənzadə Gimnaziadanın qalibi olub
Boks üzrə Azərbaycan millisi Bəhreynin paytaxtı Manamada keçirilən Gimnaziada İdman Oyunlarında növbəti qızıl medalını əldə edib. Komandamızın heyətində Zakir Həsənzadə (52 kq) çempion tituluna yiyələnib.
O, finalda yerli boksçuya qalib gəlib.
Daha öncə Əli Əliyev (46 kq), Şahin Mustafayev (48 kq) və Nihat Qasımov (50 kq) da Manamada Azərbaycan himnini səsləndirib.
Qeyd edək ki, aktivində 2 bürünc medal olan oğlanlardan ibarət komandamızın heyətində daha 5 boksçumuz finalda yarışacaq. Qızların mübarizəsində isə 7 idmançımız həlledici görüşə çıxacaq.
