Olimpiyaçılarımız Paris-2024-ə hazırlığı Almaniyada davam etdirəcək
![](https://abf.az/wp-content/uploads/2024/07/almaniya-sayt-1024x537.png)
Kişi boksçulardan ibarət Azərbaycan millisi Paris-2024 Yay Olimpiya Oyunlarına hazırlıqların son mərhələsi üçün Almaniyaya yollanıb. Yığmamız baş məşqçi Pedro Rokenin rəhbərliyi altında Saarbrükkendə təlim-məşq toplanışı keçəcək.
Komandamızın heyətində olimpiyaçılarımız – Nicat Hüseynov (51 kq), Malik Həsənov (63,5 kq), Murad Allahverdiyev (80 kq), Alfonso Dominqes (92 kq) və Məhəmməd Abdullayev (+92 kq) yer alıblar. Toplanış iyulun 20-dək davam edəcək.
Qeyd edək ki, Paris-2024 iyulun 26-da start götürəcək.