Alfonso Dominqes Olimpiadada gümüş medal qazanıb

Azərbaycan boksçusu Alfonso Dominqes Paris-2024 Yay Olimpiya Oyunlarında son döyüşünü keçirib. 92 kq çəkidə mübarizə aparan dünya çempionumuz finalda Lazizbek Mullojonovla (Özbəkistan) üz-üzə gəlib.

Tokio-2020-nin bürünc mükafatçısı rəqibinə məğlub olub və Paris-2024-ü gümüş medalla bitirib.

Qeyd edək ki, Dominqes boks tariximizdə ikiqat Olimpiya mükafatçısı olan yeganə idmançıdır.