19 İyun 2019, Çərşənbə - 02:41

İki boksçumuz Usti-nad-Labem Qran-prisində yarımfinala yüksəlib

Çexiyada boks üzrə Usti-nad-Labem Qran-prisində 1/4 final mərhələsinin görüşləri başa çatıb. Yarışa 4 idmançı ilə qatılan Azərbaycan millisinin 2 üzvü yarımfinala vəsiqə əldə edib.

Vaqif Şirinovun yetirmələrindən Lorenzo Sotomayor (69 kq) və Alfonso Dominqes (81 kq) 1/2 finalda iştirak hüququ qazanıblar. Onlar müvafiq olaraq, Marsel Rumpler (Avstriya) və Bayram Malkandan (Türkiyə) güclü olublar.

Digər boksçularımızdan Elvin Məmişzadə (52 kq) macarıstanlı Martin Virbana, Sərxan Əliyev (63 kq) isə braziliyalı Vanders Oliveyraya məğlub olub.

Qeyd edək ki, yarışda bu gün yarımfinal, sabah final döyüşləri olacaq.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Azərbaycan Boks Federasiyası

Azərbaycan Boks Federasiyası