16 May 2021, Bazar - 13:36

Azərbaycan mundialda medalı təmin edən 17 ölkədən biri olub

Polşanın Keltse şəhərində gənc boksçular arasında dünya çempionatında yarımfinalçıların tam siyahısı bəlli olub. Bununla da mundialda mükafatı təmin edən idmançıların adları müəyyənləşib.

Oğlanların mübarizəsində 10 dəst mükafat 17 ölkə boksçuları arasında sahibini tapacaq. Bunlar arasında Azərbaycan da var.

49 kq çəki dərəcəsində çıxış edən Azərbaycan millisinin üzvü Nicat Hüseynov yarımfinalçılar siyahısında yer alıb. Ölkəmiz oğlanların yarışındakı ümumi medal sayında 8-17-ci yerləri bölüşən 10 yığmadan biridir.

Cədvələ isə Rusiya başçılıq edir – 7 medal. Qazaxıstan və Ukraynanın hərəsinin 5 mükafatı var.

1. Rusiya – 7
2-3. Qazaxıstan, Ukrayna – 5
4-5. Hindistan, Özbəkistan – 4
6. Kuba – 3
7. Bolqarıstan – 2
8-17. Azərbaycan, Ermənistan, Kolumbiya, Macarıstan, İtaliya, Yaponiya, Qırğızıstan, Monteneqro, Monqolustan, Polşa – 1

Qeyd edək ki, dünya birinciliyinə 50 ölkədən 274 oğlan boksçu qatılıb. Yarış aprelin 23-də başa çatacaq.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Azərbaycan Boks Federasiyası

Azərbaycan Boks Federasiyası