20 Oktyabr 2018, Şənbə - 17:09

Avropa birinciliyində qız boksçuların mübarizəsində də təmsil olunacağıq

Yeniyetmə boksçulardan ibarət Azərbaycan yığmasının heyətində dəyişiklik edilib. Oktyabrın 8-dən 17-dək Rusiyanın Anapa şəhərində keçiriləcək Avropa birinciliyində ölkəmiz 7 deyil, 8 idmançı ilə təmsil olunacaq.

Belə ki, Azərbaycan millisi oğlanların yarışı ilə yanaşı, qızların da mübarizəsində qüvvəsini sınayacaq. Komandamızın heyətinə Zeynəb Rəhimova (57 kq) əlavə edilib. Boksçumuz yarışa baş məşqçi Elbrus Rzayevin rəhbərliyi altında qatılacaq.

Qeyd edək ki, oğlanlardan ibarət yığmamızın baş məşqçisi Vaqif Kazımov qitə çempionatında Əli Zamanov (48 kq), Əzrək Bəbirov (54 kq), Eldar Babayev (60 kq), Elmir Novruzov (63 kq), Mehman Quliyev (70 kq), Murad Allahverdiyev (80 kq) və Əhməd Əhmədova (+80 kq) şans verəcək. Boksçularımız bu gün gecə saatlarında səfərə yollanacaq.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Azərbaycan Boks Federasiyası

Azərbaycan Boks Federasiyası