14 İyul 2020, Çərşənbə axşamı - 14:22

Abbas Ağalarovun xatirəsinə həsr olunan turnir yekun vurulub

image Azərbaycan boksunun banilərindən olan mərhum Abbas Ağalarovun xatirəsinə həsr olunan gənc boksçuların beynəlxalq turnirinə yekun vurulub. Yarışın sonuncu günü keçirilən final qarşılaşmalarında 4 təmsilçimiz qalib adı uğrunda mübarizə aparıb. Onlardan 60 kq çəki dərəcəsində vuruşan Sərxan Əliyev qazaxıstanlı rəqibi Nurbol Sultanbayı məğlub edərək turnirin qalibi olub. 69 kq-da mübarizə aparan Pərviz Quliyev özbəkistanlı Uluqbek Sobirova uduzaraq gümüş medal qazanıb. 75 kq çəki dərəcəsində döyüşən Rasim Çobanlı da isə final görüşünü qələbə ilə başa vurub. O, Türkmənistan idmançısı Nuryağdı Nuryağdıyevi məğlub edib. 81 kq-da mübarizə aparan Elbrus Əkbərov qazaxıstanlı Bekzat Nurdövlətova uduzaraq gümüş medal qazanıb. Digər final görüşlərinin nəticəsi isə aşağıdakı kimi olub:

46-49 kq – Otabek Xolmatov (Özbəkistan)

52 kq – Aydos Arapov (Qazaxıstan)

56 kq – Al Muhammed Mahmud (Qazaxıstan)

64 kq – Ray Seytcanov (Qazaxıstan)

91 kq – Şohruz Rəkimov (Özbəkistan)

+91 kq – Giorgi Zurabiani (Gürcüstan)

Yarışın yekunlarına əsasən, komanda hesabında Qazaxıstan seçməsi birinci olub. Özbəkistan millisi ikinci, Azərbaycan boksçuları isə üçüncü nəticə göstərib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Azərbaycan Boks Federasiyası

Azərbaycan Boks Federasiyası